過去太倚賴大陸市場 香港經濟何時見曙光?

經濟下行,各行各業生意都差咗!係咪一定唔好呢?經濟洗牌,樓市降溫,可能係好事!

有從事理財保險的朋友咁講…

朋友:       今年生意差咗好多!
筆者:       影響好大咩?
朋友:       呢幾年好多大陸客買單,今年少咗好多。
筆者:       唔怪得呢幾年咁風光啦,大陸客少咗,咪做本地客囉。
朋友:       爭好遠,大陸客量又多,額又大,本地客冇得比啦…

有從事舖位代理的朋友咁講…

代理:       今年生意差咗好多!
筆者:       明呀,見到條街好多吉舖。
代理:       早幾年自由行高峰期,舖位搶到顛,摸貨都賺唔少。
筆者:       我記得呢間(指身後一間舖)之前係藥房。
代理:       係呀,月租搶到60萬,當3厘回報計,市值超過2億。
筆者:       而家咩環境?應該冇得摸貨啦!
代理:       摸?租到先講啦!放30萬都冇人租…
 
金融海嘯之後,香港經濟曾經高速增長。
近年開始放緩,到今年社會運動,有機會出現倒退。
從整體經濟來說,未必是壞事!
試想想,之前的所謂經濟增長,從何而來?

增長…主要來自大陸市場,實在過份依賴了!

例如前文商舖的個案,相信大家都親歷其景。筆者的投資培訓中心位於佐敦,情況更為明顯,2009年剛剛開業的時候,區內地舖很多民生小店,後來自由行高峰期,金行、錶行、藥妝店、藥房爭相進駐,大街的民生小店,有的搬到後街小巷,有的結業賣舖。橫街小巷的舖位都炒到飛天,細細間舖,3、400呎,都炒到2000萬、3000萬,靠近高鐵站的渡船街一帶,短短幾年,升了幾倍!

後來發生踢喼、佔中等事件,以至最近的社會運動,自由行大幅減少,小店食肆,執吓一間,執吓一間,到了今天,到處吉舖。又例如旺角,早幾年主要街道的舖位,都被自由行店搶佔,租金搶貴幾倍,小店食肆幾乎全線撤出,搬到樓上去。近年自由行生意大跌,不少自由行店結業,舖租下跌,據說有些舖租甚至大跌2/3,令到很多食肆小店有機會可以重回大地,係咪真係唔好呢?

還有很多很多行業,都非常非常依賴大陸市場。

又例如筆者身邊有不少從事金融理財行業的朋友,近年都幾乎放棄本地市場,轉戰大陸,正如前文朋友所講,不但客多,而且額大,生意、收入增長不是以倍計,以是以十倍計!又例如旅遊業,每日都有大批國內旅客來港購物,不少民生區例如紅磡、土瓜灣等,都有很多專門接待國內購物團的商店、酒樓,令到社區內的人口壓力大增,環境惡化,區內居民相當不滿,係咪真係好事呢?
 
最近的社會運動,或多或少讓我們重新反思…
係咪應該過份依賴國內市場呢?
冇咗國內客就會死…這個情況又係咪健康呢?
即使繼續所謂增長…但社會矛盾與日俱增係咪好事呢?

絕處終可逢生

放心啦!香港經濟基礎非常強勁,冇咁易死嘅!
遇到逆境,我們總會找到新的出路,尋找新的市場機遇。
 
不過理想還理想,當下確實有很多企業面臨危機。
經濟重生的過程之中,確實有很多困難,如果政府可以多給支援,如果各大商廈、商舖的業主可以減租共渡時艱,相信可以令到杳港經濟擺脫過往過份依賴國內市場,盡快重生。
 
另一個經濟下行可能帶來的好處是,令樓市降溫。
去年年底樓市調整,新年後樓市急促反彈,短短兩、三個月樓價指數已經追回失地,甚至創出新高。社會運動的出現,令到勢不可擋的樓價突然冷卻,亦令到政府拿出勇氣,推出一系列過往唔敢做嘅政策,例如大量收回棕地農地,全數興建公營房屋等,又例如大幅調高高成數按揭的樓價上限等。如果唔係社會運動,相信樓價指數已經衝破200,可能到時情況更失控。

想了解更多買樓知識,可以報名Anthony Sir 8小時物業投資精華體驗班

報名連結:https://www.onepercent.com.hk/yes


Anthony Sir 8小時物業投資精華體驗班

Lesson 1:開闊眼界!原來買樓可以賺咁多 (Brian Sir 主講)
Lesson 2:新手上車.致富攻略!賺取你的第一桶金 (Anthony Sir 主講)
Lesson 3:高手投資.攻防戰!突破辣招倍增資產 (Anthony Sir 主講)
Lesson 4:財技!按揭槓桿,買樓原來可以唔使錢 (Anthony Sir 主講)
Lesson 5:高手專題 – 強大導師團 讓你成為專業投資者
Lesson 6:真劈價.買平超過100萬 (Brian Sir 主講)

了解課堂內容:https://www.onepercent.com.hk/yes


Anthony Sir/Brian Sir不定期Facebook Live
請讚好及追蹤Facebook專頁「第一桶金」收看﹗

關於【1% 投資培訓】
過去 9 年…協助無數年青人成功上車,協助無數小業主賺取千萬資產,財務自由!

相格 All 01

立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain

更多精彩文章!立即 Like and Share
第一桶金專頁 
www.facebook.com/anthony.wealth