加息下 一手旺二手靜 點解？

加息氣氛下，市場原本應該靜的，但是一手市場很旺，疫情後推出的新盤如柏瓏、凱柏峰、以及Novoland都爆飛，很多人想抽新樓都抽不到。為甚麼市場會出現兩極化？

最近一手市場很旺，不少新盤都即日沽清，例如錦上路的柏瓏、白石角的Silicon Hill、日出康城的凱柏峰等，其他新盤即使未沽清，銷情都頗為理想，例如紅磡的必嘉坊、啟德的Monaco Marine等等。相反二手市場卻很靜，即使業主願意減價都唔代表有人買，睇樓量亦比之前少很多，點解？

原因一：買家愛觀望

最主要的原因，二手有價講，新樓冇價講！
香港人並不是沒有錢，只是加息陰霾下，觀望而已。
甚麼是觀望？就像你平時Shopping，見到件靚衫挺喜歡的，但又沒有急切性，於是齋睇唔買，睇吓遲啲會唔會有折扣。

好了，8折了！…你又會想遲啲會唔會7折，現在二手市場就是這樣，業主減了30萬，你又會想再遲啲可能會平50萬，好了，減50萬，你又會想遲啲可能會平80萬，這就是觀望。

原因二：一手冇價講

新盤呢？冇價講，一係買，一係唔買，賣完就冇，激發了買家的購買慾。所以想賣樓的二手業主，減價未必有用，越減價買家越想再平，如果不是急賣的話，加價可能效果更好，哈哈！

原因三：鋪天蓋地宣傳

其次，因為發展商、媒體、代理行全力催谷！

如果這段時間你有去睇樓就明白，睇睇吓二手樓，代理就會Sell你入飛買一手樓，幾間大行傾巢而出，力爭戰績，每日你都會收到電話推廣新盤，會唔會有代理向你推介二手盤？

此外，發展商鋪天蓋地的廣告宣傳，還有媒體的配合，都令到新盤成為售點。之前的文章都提過，在非首置要付15% 辣稅的政策下，投資者所佔比例減少，新手、用家主導市場，他們缺乏買樓經驗，唔知甚麼是平，甚麼是貴，甚麼樓有價值，所以出現很多錯價現像，例如甚麼都未有的北部都會區，價錢賣得比市區更貴等，由於買家買樓知識不多，代理講乜，傳媒講乜，就信乜，就湧向新盤。

二手樓尋寶時機

現階段買甚麼最抵？二手！

剛才不是說了，新盤冇價講，二手有價講嗎？不是說了市場盲目追捧一手樓，二手樓減價都未必有人買嗎？既然如此，答案顯然易見，想買平嘢，就得人棄我取，二手樓有更多水位！

最近收到很多二手筍盤，價錢不但重返年初，即是每日數萬宗確診時的水平，部份心理質素較低，較需急錢的業主，可以再平。　

好多人問，會唔會再等多幾個月再平啲？其實二手市場的價錢是浮動的，不用等的，直接叫業主再平啲就可以了！

想買樓的朋友，唔好掛住睇新樓，二手仲抵！尋寶啦！