點解唔做地產代理？ 要成功 必需懂得共贏 而非賺盡

經常有朋友或學員問我：「你們買樓經驗豐富，教人如何揀樓，如何透過代理買賣，學員又多，點解自己唔做埋代理？賺埋佣金不是是更好嗎？」

是的，我們不是代理，也不會涉足代理的工作。

找到好代理 賺得更多

作為投資者，代理是我們重要的合作夥伴！過去十幾年，我們的團隊買買賣賣無數，物業量數以萬計，建立了強大的代理網絡，需要入貨的時候，他們會落力幫我們搵筍盤，幫我們講價，收到筍盤會第一時間通知我們，我們與學員們都可以買得比人平。

到了需要出貨的時候，他們也落力幫我們推銷，讓我們與學員們賣得更快、更好價。不但節省寶貴時間，單就這買賣上的優勢，每次交易都可以比其他人多賺近倍，有這樣的團隊多好！

如果我們自己做埋、自己賺埋，試想想，代理有筍盤的時候還會優先給我們嗎？買賣佣金才1%，一買一賣才2%，即使收晒業主及買家兩邊，都只是4%，幫你傾多口價都遠遠唔止呢個數！

就當最基本買平10%，賣貴5%，加埋已經15%，何況有時可以買平20%至30% 。

所以我們不但不會做埋、賺埋代理那一份，甚至不會跟代理講價或減佣，不會遲付佣金，這是他們應得的。

人人都有自己專長 懂得用人很重要

想成為專業投資者，必須要有共贏的思維！
不要常常想着，點解唔做埋？點解唔賺埋？…

每個人的時間是有限的，所謂財務自由，不是花更多時間工作賺多點錢，越來越辛苦，而是要讓錢來為我們工作。意思即是透過投資，賺取被動收入，換取更大的自由，做自己喜歡做的事。

每個人都有自己的專長，與其花時間去做自己不熟悉的事，倒不如花少少錢讓別人做，自己專注做自己專長的事，賺得更多。

不要想…點解唔做埋？應該想…點解唔交俾人做？
不要想…點解唔賺埋？應該想…點解唔俾啲位人賺？

錢賺唔哂 建立團隊共享資源

又有很多網友說，有錢賺都自己賺晒啦，點會俾你賺？
當然，如果自己賺得晒，自己賺晒無可厚非，但很多時間是「賺唔晒」！例如建立好代理網絡之後，會不斷收到筍盤，你一個人買得幾多？買到十間買唔到廿間，買到一百間買唔到二百間，何不共享資源，達至雙贏呢？

例如代理介紹筍盤給我，我買唔晒，介紹給學員，整個過程，學員買到筍盤，代理做到生意，我得到代理的信任，將來就有更多筍盤，形成馬太效應。

就以康城為例，經過我們團隊介紹買入的就有近120間，代理有筍盤會給你還是給我們？又例如收購重建，單靠自己不可能做到，以前自己買樓，買一間兩間都覺得唔容易，點會想到可以起一幢樓？然而透過共贏的思維，建立團隊就可以做到。

投資者就是要有共贏的思維，要懂得建立團隊，才走得遠。