想買到筍盤 勤力睇樓之外 還要有3樣嘢﹗

想買筍盤,勤力睇樓固然重要,但亦要講策略及技巧。睇樓前一定要有三樣嘢﹗

讀者來信

Anthony Sir你好!我和女朋友計劃上車已經有好幾年了,身邊有前輩說想買筍盤要多睇樓,其實我已經睇咗好多,大大話話近幾個月都睇咗超過100間,點解仲係買唔到筍盤呢?

回覆讀者來信

經常聽見網友說,買唔到筍盤!
就好似讀者所講,明明都已經經常出去睇樓,甚至已經睇咗超過100間,但係都買唔到筍盤,甚至仲未上車!點解呢?
經常聽見學員說,筍盤多到食唔晒!
就好似最近的跌市,劈價盤湧現,好多學員都買到低水兩成以上的筍盤,但始終名額有限,買得一間買唔到兩間,買到兩間買唔到四間,唯有在團隊的私人群組中分享,多到買唔晒!點解呢?

多睇樓是必要的!
但如果冇目標、冇計劃、冇技術,睇得多,都唔代表買得到!

好多人口裡經常說想買樓,但睇樓都懶,學習都懶,買唔到正常!
好多人經常去睇樓,甚至睇過百間,都係買唔到,亦都唔奇!

首先,要有目標!

目標第一步,你先要有投資者的思維。
投資者第一樣要做的,就是要清晰自己的目標,買甚麼樓?自住還是投資?投資的話,想賺差價?還是想賺租金?有甚麼選擇適合自己?甚麼時候該買?甚麼價錢才算筍?這只是目標的第一步…
目標第二步,你要鎖定範圍,大部份人都沒有太多買賣經驗,老是聽別人說,人家說港島硬淨,就去睇港島,人家說東九有潛力,又跑去東九,聽說西九有新地王,又走去西九,像盲頭蒼蠅一樣,亂衝亂撞的,個個區睇幾間,個個代理傾兩句,點會買到筍盤?

其次,要有計劃!

你想幾時買?是否仍然有名額?如果自己已經有物業,那位家人仍然有名?是否已經溝通好合作方案?已經有足夠首期?是否有足夠的入息及證明,可以過到壓力測試?如果沒有,是否有其他人可以幫到手?買樓的預算是多少?準備幾時出手?就好似最近跌市,市場多咗好多筍盤,你又準備好未?還是仍然船頭驚鬼船尾驚賊?

第三,要有技術!

技術第一步,你要識分甚麼是貴,甚麼是平!
講就容易,做就好難,如果唔係投資者,正常人在香港買樓,幾時會覺得平先?這是第一個阻礙你成功的大石,例如市場上有多盤,有新樓,又有二手樓,邊個買得過?邊個買唔過?一定要識分!

技術第二步,你要識搵為甚麼投資者每天都收到筍盤,你冇?
只懂得到處睇,呢度睇吓,嗰度睇吓,妄想有天經過一間代理舖,掛住一個絕世筍盤,個個都見唔到,係得你見到,然後你好順利咁買到,從此幸福快樂咁生活,咪玩啦!鬼揞眼咩?

技術第三步,你要識搶有絕世筍盤,點解會落到你手?
你要知道筍盤的流向…代理收到筍盤,梗係自己食先,食唔落就俾親戚朋友,再食唔落就俾相熟投資者,再食唔落先至俾唔熟的投資者,到最後冇人要先至會俾用家,所以要建立代理網絡。
此外,仲要識劈價,業主放落街通常都係放高啲預你還,邊個肯減價?應該還幾多?策略應該係點?筍盤係還價還出來的。
之後還要想想,買入之後如何部署?如何裝修增值?如何放租?將來如何放售等等,每一個部份都是學問。
新手嘛…買唔到筍盤是正常的!努力學習吧!

想了解更多買樓知識,可以報名Anthony Sir 8小時物業投資精華體驗班

報名連結:https://www.onepercent.com.hk/yes


Anthony Sir 8小時物業投資精華體驗班

Lesson 1:開闊眼界!原來買樓可以賺咁多 (Brian Sir 主講)
Lesson 2:新手上車.致富攻略!賺取你的第一桶金 (Anthony Sir 主講)
Lesson 3:高手投資.攻防戰!突破辣招倍增資產 (Anthony Sir 主講)
Lesson 4:財技!按揭槓桿,買樓原來可以唔使錢 (Anthony Sir 主講)
Lesson 5:高手專題 – 強大導師團 讓你成為專業投資者
Lesson 6:真劈價.買平超過100萬 (Brian Sir 主講)

了解課堂內容:https://www.onepercent.com.hk/yes


Anthony Sir/Brian Sir不定期Facebook Live
請讚好及追蹤Facebook專頁「第一桶金」收看﹗

關於【1% 投資培訓】
過去 10 年…協助無數年青人成功上車,協助無數小業主賺取千萬資產,財務自由!

相格 All 01

立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain