Skip to content

口罩經濟學 – 抗疫中學懂四個投資概念

一場新型冠狀肺炎疫情,令到整個社會人心惶惶,大家每日關心的,就是夠不夠口罩,還有沒有廁紙。其實這現象可以用經濟學理論來解釋,抗疫之餘亦可學到投資理財技巧。

朋友A:    韓國呢邊有少量,你呢?
朋友B:    日本呢邊都冇剩啦!你呢?    
朋友C:    布拉格呢邊俾中國人掃晒啦,乜都冇囉!  
筆者D:    我呢邊都俾中國人掃晒,買得好少咋!
 
最近,大家多了一個使命,就是為自己家人和身邊的朋友買口罩!   
今次的疫情,可是一個很大的教訓,對經濟、買樓也有啟發…

羊群效應(Herd Behavior)

抗疫期間,口罩與洗手液都是必須品,然而市面供應不足,政府又沒有提供支援,引起公眾恐慌,害得小市民日日排隊搶購,情況可以理解。然而搶完口罩之後,連廁紙、衛生巾都搶,網上流傳一些照片,有本地的大媽到超級市場,一個人推了一大車,約有逾十條廁紙,每條十卷計應該就有逾百卷,有網友問…你有多少個屁股?家裡有多少人?每天如廁幾多次?要多少時間才用完?
 
其實樓市亦是一樣,樓市是一個羊群主導的市場,氣氛差的時候,個個都不屑一顧,劈價一成、兩成、三成都無人理,我們的團隊最喜歡在這些時間入貨,次次都俾人笑。氣氛好轉的時候,樓價炒高一成、兩成都照搶,就好似2018年中,身邊一些成世人都冇聽佢講過要買樓的朋友,都走出來話要抽新樓,以一個500萬的單位計算,劈價一成,推高一成,來回就是兩成,已經100萬,如果劈價兩成,推高兩成呢?來回就是四成,高達200萬!

戈培爾效應(Goebbels Effect)

為甚麼會搶廁紙呢?原來有傳言說,大陸所有工廠會停工,很快就會沒有廁紙供應,一個朋友說,你會懷疑,個個朋友都說,個個群組都收到訊息,甚至社交媒體上洗版,聽了十次、百次,又真係見到很多港產大媽去搶,人就會很容易迷失理智,信以為真,然後就會搶埋一份,情願信錯,也不要錯過。之前也試過有一單,某天醒來筆者收到十多個朋友、群組發過來的錄音,說我家附近的屋苑及商場很多人受到感染,非常危險云云,老爸嚇到買餸都唔敢去買,後來查証並無此事,只是有人惡作劇而已。上次SARS發生的時候,社交媒體仍然未是主流,大家都靠主流媒體提供資訊,情況不算嚴重,今天社交媒體已經成為我們生活中最重要的資訊來源,問題是…每個人都可以隨意發表訊息,兵慌馬亂的時候,鬼知佢邊句真邊句假咩?驚嘛,一齊去搶廁紙、衛生巾架啦!戈培爾效應就是說,慌話只要講百次千次,就會變成事實。
 
樓市亦是一樣,跌市的時候點解你會唔敢買呢?好多時係因為跌市時候個個媒體、分析師都會話跌跌跌,無底深潭,升市的時候個個都話升升升,見唔到頂,睇得多聽得多,你就自然會信埋一份,就會做出高買低賣的愚蠢決定,香港樓市還好,最多守多陣,長遠都會升番上去,97蟹貨都會返家鄉,如果投資股票,就冇咁好彩,非常時期,大家要有求真精神啊。

鯰魚效應(catfish effect

 大陸人的危機意識確實比香港人低好多!
(坐車)問…使唔使戴安全帶呀?答…呢度唔使架,冇人捉!
(行地盤)問…使唔使戴頭盔呀?答…唔使啦,冇人睇到!
施主,唔係有冇人捉,而係…危險嘛!
未有疫症,有記者採訪食野味…冇事嘅,大菌食細菌嘛!
疫症初期,有記者上去採訪…怕咩?我哋呢區都冇感染!

鯰魚效應就是說,漁夫運送沙丁魚,很多時運到的時候沙丁魚已經悶死,後來想到在沙丁魚中放入一條天敵鯰魚,雖然會有些沙丁魚被吃掉,但因為天敵在前,沙丁魚高度戒備。之前沒有危機意識,沙丁魚死得快,現在有危機意識,反而龍精虎猛。大陸人普遍危識意識不高,政府真的要想想如何在社區放鯰魚了。
 
買樓投資亦是一樣,別以為我們做投資的,經常叫大家買樓,做槓桿,就以為我們是有前冇後,打死罷就,其實我們自己投資的時候總會計好風險,例如今次跌市,很多學員都買到筍盤,但重點並不止於買筍盤,還有如果情況惡化落去,要如何對策等等。所以一般散戶是見到有風險,就逃避,錯過機會!我們學員做投資,見到風險,先會計算最差情況,若出現危機應如何對策等等部署,然後在審慎的策略下進取地劈價入貨,進取的同時,經常保持危機意識。

劇場效應(Theatre Effect)

抗疫時期,一定要同舟共濟,唔可以自己顧自己。
個個都搶購口罩、洗手液、廁紙、衛生巾…最緊要自己冇事,其實這種想法大錯特錯,疫情是一個社區的事,如果只有你自己有口罩而其他人冇,當其他人感染了,其實你好大機會都難逃一劫,所以重點唔係自己有好多口罩,而係每個人都有適量口罩。大陸人這觀念很弱,例如武漢封城前夕,不是自我隔離,而是趕快往外跑!曾有個案是明明在醫院了,但還是逃跑出來。你可知道你逃跑出來,會感染多少人嗎?當年沙士就是因為一位退休教授,明明自己病了仍然要來香港,最後引發沙士爆發,死了幾百人!
 
抗疫早期,有朋友從大陸返港,感冒了!
我們都叫她去看醫生,但無論我們怎麼說,她都不肯去,只是跟我們說…我不是武肺,只是感冒而已,我好清楚自己身體,睡一天就會好,明晚飯局我都可以出來啊!…你是醫生嗎?你如何確定自己不是武肺呢?萬一真係武肺,萬一感染了身邊的朋友,一傳十,十傳百,那怎麼辦?最後還是勸不了,當然,朋友之間自己私聊,決定取消了這次飯局!抗疫之戰,必須要共同作戰!

劇場效應的經濟學理論是,如果一個大劇場發生火災,人人不理他人趕著逃命,結果造成門口大擠塞,甚至釀成人踩人事件,結果釀成悲劇,如果大家可以守秩序井然有序離開,讓老弱先行,壯健者殿後,反而有機會全體平安渡過災難。意思是人只顧著追求自己最大利益,而妄顧其他人或社會的利益時,結果會造成「雙輸」甚至「全輸」局面。在投資上,如果大家因為驚恐而做出恐慌性,股災、樓災必然出現。前幾年樓市癲升,都是因為大家怕買不到樓,不斷盲搶樓,搶高價格,要知道一口價一旦成交,便成為了下一宗交易的指標,結果其他人都慘連要買貴樓,連中產也難上車。

想了解更多買樓知識,可以報名Anthony Sir 8小時物業投資精華體驗班

報名連結:https://www.onepercent.com.hk/yes


Anthony Sir 8小時物業投資精華體驗班

Lesson 1:開闊眼界!原來買樓可以賺咁多 (Brian Sir 主講)
Lesson 2:新手上車.致富攻略!賺取你的第一桶金 (Anthony Sir 主講)
Lesson 3:高手投資.攻防戰!突破辣招倍增資產 (Anthony Sir 主講)
Lesson 4:財技!按揭槓桿,買樓原來可以唔使錢 (Anthony Sir 主講)
Lesson 5:高手專題 – 強大導師團 讓你成為專業投資者
Lesson 6:真劈價.買平超過100萬 (Brian Sir 主講)

了解課堂內容:https://www.onepercent.com.hk/yes


Anthony Sir/Brian Sir不定期Facebook Live
請讚好及追蹤Facebook專頁「第一桶金」收看﹗

關於【1% 投資培訓】
過去 10 年…協助無數年青人成功上車,協助無數小業主賺取千萬資產,財務自由!

相格 All 01

立即訂閱【第一桶金 Day Day Gain】Youtube 頻道
更多精彩短片,陸續登場!

https://www.youtube.com/c/DayDayGain

更多精彩文章!立即 Like and Share
第一桶金專頁 
www.facebook.com/anthony.wealth